Bloggfrí síðustu 3 vikna hefur verið af góðum og gildum ástæðum... Í fyrsta lagi varð pabbi sjötugur 25. maí, og stórfjölskyldan flykktist á Blómsturvelli um Hvítasunnuhelgina til að halda upp á það :0) Hér má sjá mynd sem tekin var þegar við flögguðum þar, honum til heiðurs.
Þegar við komum heim frá Blómsturvöllum héldum við systurnar með Kvennakór Reykjavíkur til Parísar og þaðan á kóramót í Loreto (smábær á miðri austanverðri Ítalíuströnd) og loks Rómar, og héldum bæði tónleika í Notre Dame kirkjunni í París og S. Ignatius kirkjunni í Róm - báðar ótrúlega flottar á sinn hátt og gaman að syngja þar - auk þess sem það var ótrúleg upplifun að syngja í Notre Dame kirkjunni! Parísardaman kom okkur þangað inn, og á bæði kærar þakkir og heiður skilið fyrir það! Hún bloggaði um tónleikana, og má skoða þann pistil hér.
Ég kvaddi svo flestar kórkonurnar á Leonardo Da Vinci (eða var það De Caprio?) flugvellinum 5. júní, og færði mig yfir á komu-terminalinn, og beið eftir Gunna og Márusi. Arnheiður, Júlli, Þórdís og Kári komu svo á 9 manna Mercedes Vito-inum sem við höfðum leigt, sóttu okkur á flugvöllinn og keyrðu heim í bændagistinguna á Riserva di Martignanello, æðislegan stað inni í miðjum skógi í þjóðgarði hinna tveggja vatna - Lago di Martignano og Lago di Bracciano, 30km norðvestur af Róm.
Það er aldrei að vita nema ég setji inn ferðasögur frá þessum ferðum síðar - en þangað til er áhugasömum velkomið að skoða þessar myndir: http://mikkivefur.is/gunni/album/2007-06-12-italia-fjolskylduferd/index.html
Í stuttu máli voru þetta alveg ótrúlega skemmtilegar ferðir í alla staði, kórkonur ótrúlega jákvæðar í mis-þægilegum aðstæðum (líkamlega og andlega!) og fjölskylduferðin hefði ekki geta heppnast betur, - við erum kolfallin fyrir Ítalíu, hvort sem um er að ræða fólkið (og þar með talið starfsfólkið í búðum og veitingastöðum, sem ólíkt flestum túristastöðum sem ég hef komið til sýndu engin merki um þreytu á túristanum), landslagið, veðurfarið, matinn, húsin, göturnar, sætu litlu smábæina, hreinu vötnin... og svo má endalaust lengi telja. Ég get ekki beðið eftir að komast aftur til Ítalíu (og Gunni kippti með sér fasteignablaði ;0) )
Flokkur: Bloggar | 15.6.2007 | 08:56 (breytt kl. 09:33) | Facebook
Færsluflokkar
Bloggvinir
Maí 2024 | ||||||
S | M | Þ | M | F | F | L |
---|---|---|---|---|---|---|
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 |
Heimsóknir
Flettingar
- Í dag (8.5.): 2
- Sl. sólarhring: 3
- Sl. viku: 14
- Frá upphafi: 278
Annað
- Innlit í dag: 2
- Innlit sl. viku: 14
- Gestir í dag: 2
- IP-tölur í dag: 2
Uppfært á 3 mín. fresti.
Skýringar
Athugasemdir
þassogott að þú sért komin heim
Sigrún Þöll, 15.6.2007 kl. 09:00
Mm þetta hefur nú verið aldeilis skemmtilegt! Leiðinlegt samt að þú misstir af rigningunni hérna á meðan
Áslaug Helga Hálfdánardóttir, 16.6.2007 kl. 13:16
hehe ég fékk reyndar smá rigningu í *fyrri ferðinni* - með kórnum - og svo pínu ponsu rigningu - akkúrat nákvæmlega þegar ég vildi (já vildi!) fá hana, þegar var sjóðandi heitt í miðri Róm, og við vorum stödd inni í Pantheon. Þar er nefnilega hreinlega risastórt gat / auga í loftinu, sem ferðahandbækurnar sögðu að væri stórfenglegt að sjá þegar rigndi í gegnum :0) (og höfðu rétt fyrir sér)
Hófí, 18.6.2007 kl. 09:52
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.