Snorri Hergill í viðtali á Sky News

Minn kæri vinur og yfir-veislustjóri, Snorri Hergill, var boðaður í viðtal vegna *ástandsins*, núverandi sambands á milli Breta og Frónbúa, á SkyNews á föstudaginn, og stóð sig bara skrambi vel.

Márus á Blómsturvöllum

Var ég einhverntíma búin að segja ykkur hvað sveitin okkar er yndisleg?

(og ekki er prinsinn minn í forgrunni síðri :0)  )

...elsku mamma mín tók myndina...

Eldhúsmynd

Og hér sjáiði hægri helminginn af nýja fína eldhúsinu mínu :0)  (vinstri hliðin kemur þegar við erum búin að fínissera þar...)

 

 Það er orðið fyllilega starfhæft, en við eigum eftir að setja flísar á veggina, ljós og kappa undir efri skápana og viftu yfir eldavélina, og svo sökkulplötur.

Erettekkifínt? :0)

Eldhúsið komið í notkun!

Nærri 5 mánuðir frá því hafist var handa, og loksins loksins er eldhúsið komið í almenna notkun - þ.e.a.s. á sunnudaginn bakaði ég holla og góða eplaköku í nýja ofninum handa Sigrúnu og Kim sem kíktu í heimsókn (hjóluðu til okkar úr Álfheimunum - ótrúlega dugleg!) og í gær var eldaður mexíkóskur matur á nýja helluborðinu! 

Reyndar á enn eftir að setja hurðar fyrir 3 skápa, festa bak á einn og kaupa og setja skúffur inn í þriðja (búrskápinn), auk þess svo að setja sökkla og hækka upp í loft.  Svo verður flísalagt milli skápa einhverntíma á næstunni, og eins á eftir að setja gólflista og laga skilin milli lita í lofti og á veggjum í forstofu og holi.  Loks þarf að ákveða hvernig gluggasyllu skal setja, og sömuleiðis gardínur eða eitthvað fyrir gluggann. 

Set inn myndir þegar allar skáphurðarnar eru komnar :0)

Nanna og uppskriftirnar

Mig langar að vera matargúrú eins og Nanna, og til að undirbúa mig, og vegna þess að hún er skemmtilegur bloggari, les ég iðulega bloggið hennar.

Í dag setti hún inn ansi skemmtilega uppskrift að Afrískum veiðimannapottrétt. Þetta er ekki meðal þeirra fjölmörgu uppskrifta sem ég er farin að hlakka til að elda í næstum-tilbúna nýja og flotta eldhúsinu mínu ;0)

22°Farenheit?

Svakalega finnst manni ótrúlegt að hitinn sé virkilega að fara niður í -22° á Celsius í Argentínu... 

Ég reyndi þess vegna að finna uppruna þessarar fréttar og tókst ekki.  Örsnögg könnun á hitastigi í Argentínu á weather underground http://www.wunderground.com/global/AG.html sýnir að lægsta hitastigið núna er einmitt 20° á Farenheit - sem eru -6° á Celsius, sem mér finnst mun trúlegri tala... 

Getur einhver fundið þessa frétt á sínu upprunalega tungumáli?

 

[Uppfært 10.7.2007 kl 11.27]

Ívar Pálsson fann frétt á BBC News: http://news.bbc.co.uk/2/hi/americas/6286484.stm sem staðfestir þetta - vá!

Fimbulkuldi í Suður-Ameríku

Óhugnarlegt !

*hrollur* Mér finnst þetta http://www.mbl.is/mm/frettir/myndskeid.html?file_id=19792 bara óhugnarlegt...

...og fréttamanninum greinilega líka - takið eftir að þegar dóninn talar þá er það með svona perralegri rödd... uhhhuuuh.....

Márus Sparrow

Mamma á kistu fulla af allskyns fötum, slæðum og fylgihlutum, og það eru fastir liðir þegar stórfjölskyldan kemur í mat að eldri stelpurnar (13 og 14 ára) klæða "litlu börnin" (til dæmis þessi sumarlegu og sætu í nýlegum pistli mínum) sem alls kyns verur og halda tískusýningu fyrir okkur "gamla liðið" á meðan við klárum að borða. Sýningin fer oft fram undir tónlist og háværum hlátri  - og ekki síður þeirra sem klæða börnin í ;0)

Mamma á eðlilega meira af fyndnum kvenfötum (fötin af pabba held ég að teljist seint henta í svona leiki - a.m.k. ekki nema brotabrot af þeim), og því skjóta alls kyns sígaunakerlingar, fínar frúr, óperusöngkonur, gellur og fleiri fígúrur upp kollinum.  

Í fyrridag kom Márus fram sem strandvarðargella (gamalt fjólublátt og úttroðið bikiní af mér,  fín hálsfesti og gellu-svipur) og Márus Sparrow:

 

Fjórhjól á Reykjanesbraut

Ég var á leið í vinnu um hálfátta í morgun þegar þýtur fram hjá mér skærgult fjórhjól!  Ég var á ca 80, svo það hefur verið á minnst 90km hraða...  

Veit einhver hvort fjórhjól eru lögleg í reykvískri umferð? 

Eigið annars frábæran dag mín kæru :0)

H 

Sæt á sumardegi

Á æðislegum sumardegi eins og í gær er fátt yndislegra en að taka með sér nesti og setjast í einhvern af litlu lundunum í grasagarðinum í Laugardalnum og njóta veðurblíðunnar og félagsskaparins. 

Við gerðum það reyndar ekki - heldur settumst við við borð á sístækkandi svæði veitingastaðarins Café Flóra í Grasagarðinum og fengum okkur brauðdisk með pestó og hummus og fleira gott - og það var bara alveg jafn yndislegt!   *Við* í þessu tilviki vorum ég, Márus, mamma, Alex frændi og Nadía frænka. 

Eftir hjólreiðatúr um göngustíga dalsins - sem eru passlega breiðir fyrir verðandi hjólreiðakappa í þjálfun ;0) - og ævintýraleiðangra um falda stíga milli þéttra og *útlandalegra* trjáa og runna - tylltu frændsystkinin sér á bekk og stilltu sér upp fyrir myndatöku.

Þetta var afraksturinn :0)

Alex tók myndina.